Diez años d’oficialidá en Bimenes

Bimenes, el primer conceyu en declarar la oficialidá de la llingua asturiana allá pel yá llonxanu 1997, va celebrar los diez años d'aquella fecha histórica cola celebración de la XI Fiesta de la Oficialidá de la Llingua Asturiana, que va tener llugar del 6 al 14 de xunetu, anque yá dende'l llunes 25 de xunu va tar abieta na casa la cultura la esposición de les obres que se presentaron al "IV Concursu de Cómic n'Asturianu" de la Comarca de la Sidra.

Ente les actividaes que van celebrase con motivu de la fiesta, na que'l pregoneru va ser esti añu'l profesor de filosofía de la Universidá d'Uviéu Lluis Xabiel Álvarez rescampla la tradicional misa n'asturianu, que va oficiar el sábadu José Manuel García de Jesús y cantada por "El Corriellu la Pandorga". Actividaes como Asturcine, proyección de curtios en llingua asturiana cola collaboración de l'Asociación de Realizadores y Directores d'Asturies (ARDA), la representación de la obra de teatru "El burru del tíu Bernaldo" a cargu del grupu Ensin Reparu o la entrega de premios del X Concursu de Cuentos pola Oficialidá del Asturianu, amás l'actuación de Carlos Alba 'Cellero' o la V Feria d'Artesanía y Mercáu de Productos Agroalimentarios. Ente les actuaciones musicales, el Cuartetu Torner va cantar la tarde del sábadu primero de la exhibición d'entibadores mineros y de l'actuación de Los grupos La Cirigüeña y DJ - J15.