Dieciocho años ensin la seleición asturiana

|
Camiseta seleición asturiana La Llegra

La Llegra asoleya una camiseta de texíu deportivu qu'imita'l recursu de la última del combináu d'introducir tolos conceyos, pero col topónimu tradicional pol castellanizáu.

El Suárez Puerta, el 28 d'avientu del 2002, foi l'últimu campu onde se pudo a ver a la seleición asturiana profesional de fútbol. Foi nun partíu contra Honduras nuna nueche goliadora na que los porteros tuvieron que recoyer el balón de dientro de la portería hasta n'ocho ocasiones: 5-3.

El partíu d'Avilés foi la segunda vegada na qu'Asturies llucía la camiseta diseñada por Joluvi, depúes de la poco estética de Boomerang nel redebut contra Macedonia. Ésta trayía como novedá la presencia de tolos conceyos del país, anque na so versión castellanizada.

Esta idea tan prestosa gárrala agora'l Llar La Llegra, que ta acabante d'asoleyar una camiseta que bien podría ser la de la seleición asturiana. Ésta tien una tonalidá más escura d'azul, cola vuelta de les mangues marielles, y los 78 conceyos per detrás n'asturianu.

Encargos hasta'l día 22

Nel pechu incorpora un mosaicu cola flor del agua xunto con una asturina y la frase 'Asturies Xamás Vencida'. El so preciu ye de 25 euros y les ganancies de la so venta van dediase a la financiación d'esti llugar d'alcuentru y reflexón soberanista d'Uviéu.

Los encargos han de facese enantes del día 22 al traviés d'esti formulariu o contautando con La Llegra. El recibimientu de la equipación, con texíu deportivu, ta siendo bonu según los promotores, con mediu centenar de pidíos a les poques hores d'abrise la venta.

Contador Estadistiques