Día mundial del agua

La UNESCO convoca güei la celebración del Día Mundial del Agua, que lleva faciéndose dende 1993. Cuando la mayor parte de la población del planeta nun tien accesu al agua potable, los estaos desarrollaos siguen gastando más d'ellos cada añu, y el Estáu español ye de los que más consume, aparte de desarrollar planes faraónicos como'l del criticáu tresvase del Ebro, puntu estrella del PHN.N'Asturies, país del agua, esti recursu imprescindible tampoco nun ta tan aseguráu como pudiere pensase. Amás de que se gasta más pa en casa que n'otros llugares, los grandes consumidores industriales químicos y siderúrxicos siguen esplotando esti recursu en cantidá, emplegando los ríos del país como sumideros, resultando munchos ríos emporcaos por vertíos industriales. La construcción de grandes infraestructures nestos calces, como l'embalse de Caliao, que de momentu ta en dique secu, tampoco nun pinta un futuru meyor pa los ríos asturianos, en dellos casos convertíos n'escaleres con una presa tres otra. Tola contaminación industrial y urbana acaba por salir a la mar, estropiando gravemente la costa asturiana, como vien a denunciar esti artículu que fai un resume de los axentes contaminantes más importantes y onde s'alcuentra más concentración d'ellos. La presencia de mercuriu en tola costa dende Aboño hasta Bañugues ye una de les conclusiones más graves qu'ofrez. Esti documentu de la Plataforma Asturiana del agua de va un añu sigue valiendo pa güei