Día Mundial (contra) Mc Donalds

Anque son munchos los díes que se dediquen a dalguna causa o colectivu humanu, pocos son los que se faen, y muncho menos a escala mundial, a la contra d'una empresa. El "Día Mudial contra la McDonalds" ye un honor que la multinacional americana de comida rápido de xuro que nun acepta, pero yá lleva faciéndose dende va años coincidiendo col Día Mundial de l'Alimentación de la ONU. Lo qu'entamó como una protesta de trabayadores y militantes de Greenpeace n'Inglaterra nos años 80 acabó por convertise nuna fecha qu'axunta a tolos que critiquen el modelu de lo que se conoz como comida-basoria qu'empobina esta cadena, a la que-y critiquen falta de respetu al mediu ambiente, la mala calidá del productu que da, l'abusu que fai empobinando toles sos campañes a los rapacinos y la esplotación llaboral nos restoranes de la empresa.