Día d'Asturies 2018: XIII Sieglos d'un reinu

Esti añu'l Día d'Asturies ta marcáu por un aniversariu: Los XIII sieglos del Reinu d'Asturies.

Dende Asturies.com queremos recordar esti fechu y al so fundador, Don Pelayo, con un poema que dedicó  a la so espada'l gran poeta Fernán-Coronas, alcuñu lliterariu del Padre Galo Antonio Fernández y Fernández–Cantera (1884-1939):

A LA SPADA XACIENTE

(DE DON PLAYU)

(N'ABAMIA SUBRE'L SEPULCRU VALEIRU)

Abondu durmieste nas docu centurias
Espada del prince primeiru d'Esturias!
Espada de Playu, desiesta!,
Ya fire ya taya la maya de fierru
Qu'a Sturias cuativan nun llóbrigu 'ncierru
Qu'i tienen baxada la tiesta.

Deniesta, spadona, lu mesmu que yaras
Naquel alboriare de dóminas claras
Sul cielu roxau de reboles,
Ya Sturias de nouvu pur ti defendida
Recobre nun verbu la lhingua squeicida
Y'anicie outra erada de soles.