Deteníu un xixonés baxo la Llei Antiterrorista

Familiares y amigos del xixonés Fernando G.R. deteníu'l pasáu llunes n'aplicación de la llei antiterrorista, convoquen una concentración de protesta pa les siete d'esti xueves n'esixencia d'información al nun saber de que cargos s'acusa al deteníu

Según declararon a Asturies.com familiares del deteníu, la detención de Fernando G.R. tuvo llugar hacia les trés de la madrugada de la nueche del llunes12 al martes13 de setiembre,n'aplicación de la Llei Antiterrorista. Fernando G.R., que tuvo presu nel añu 1996 dempués de clarase insumisu a la prestación del serviciu militar ye tamién ún conocíu militante nacionalista asturianu que tien participao en dellos grupos d'izquierda política y sindicales.

Nun primer momentu l'abogáu del deteníu solicitó l'Habeas Corpus, que denegó'l xuez, quien acordies cola lletra de la Llei Antiterrorista, dispón d'un máximu de 120 hores pa decidir si procede o non el procesamientu del acusáu. Familiares y amigos de Fernando Rodríguez que declararon sentise indefensos énte la detención, dixeron que nun-y dan créitu d'informaciones apaecíes en distintos medios nes que llega a falase de detalles como que Fernando G.R. llevare nel momentu de la detención una bomba de fabricación casera, estremu que dicen que ta ensin confirmar oficialmente, y convoquen pa les siete d'esta tarde una concentración na Plaza'l Parchís de Xixón en demanda d'información sobre la situación del acusáu.