Denuncien que se ta caciplando na marca de “Ternera Asturiana”

El sindicatu agrícola COAG - Asturies denunció esta selmana que tan malcontentos pola qu'entiende "política de desinformación y d'oscurantismu" que vien faciendo la dirección del Conseyu Regulador de la Indicación Xeográfica Protexía "Ternera Asturiana".

Ello ye qu'al paecer de COAG, agora que ta acabante de pasar un añu dende que s'escoyó a la dirección del Conseyu Regulador, esiste una falta d'información y de midíes empobinaes a meyorar los precios del productu.

Xunta'l marcu d'inactividá en que s'asitia'l Conseyu Regulador, COAG diz que la entrada de la marca "Xata Roxa" qu'enxerta a los ganaderos de raza asturiana fízose ensin da-yos esplicación d'ello a los que yá yeren socios de la IXP, y bien d'ellos tienen la idea de que foi la IXP la qu'entró en Xata Roxa y non al revés. El sindicatu diz que tien pidida una reunión col Conseyu Regulador pa falar d'estos y otros temes ensin que se recibiere rempuesta.

Pa rematar, COAG camienta que les poques campañes que se faen de promoción comercial de la marca nun tienen xacíu, y entrúguense por qué se-yos manden a los productores almanaques de propaganda que tendríen d'unviase a los consumidores y puntos de venta