Denuncien más “Deucracia”, agora colos bomberos

Vuelven a denunciar más casos de “Deucracia” nel Principáu d’Asturies. El nuevu capítulu vien coles places públiques d’auxiliar de bomberu-conductores. Un grupu d’opositores denuncia una “sucia maniobra” nesti sen.

“Nes últimes oposiciones d’axuliar de bomberu de 2010 un 90% de los opositores aprobaos metiéronlos a deu” critica esti colectivu que se define como un grupu d’opositores a bomberos “indignaos énte la corrupción que dende va años se vien dando nes oposiciones a la entidá Bomberos d’Asturies”.

El colectivu denuncia que nes últimes pruebes selectives, nes que s’alxudicaron 78 places, hubo persones qu’entraron “teniendo les preguntes de los esámenes con antelación a la celebración de les mesmes”. “Sentímonos indefensos énte estos tribunales d’oposiciones qu’abusen de les sos prerrogativas de toopoderosos pa facer la so voluntá”, espliquen los opositores.

Blog de denuncia
Esti grupu de persones intentó contactar con estremaos cargos públicos, ente los que s’alcuentra María José Ramos Rubiera, Conseyera de Presidencia, Xusticia y Igualdá, pa tresmitir la so protesta. Pero, denuncien, “tres obtener silenciu por respuesta” decidieron abrir un blog onde dan datos concretos de “deucracia”.