Denuncien la llimpieza a presión del galipote

La Coordinadora Ecoloxista d'Asturies denunció la forma en tan faciéndose'l llabor de retirada del galipote del Prestige nos pedreros asturianos, nos qu'entraron a trabayar va quince díes equipos d'agua a presión. Los ecoloxistes, que visitaron delles playes y pedreros pa comprobar la marcha de los trabayos, manifiesten qu'estes máquines a presión tienen un gran impactu nel mediu, desaniciando toa traza de vida onde s'apliquen y alvierten tamién de que'l galipote qu'arranquen nun ta guardándose como se debiere, colo que'l contaminante acaba espardiéndose pela redolada de los pedreros trataos coles máquines d'agua a presión o torna a la mar, resultando d'ello que lo único que se fai ye cambialo de sitiu.