Denuncien falta de seguranza en protección de datos

Una asociación independiente diz que la Conseyería de Salú prepara un sistema d'informatización de datos ensin contar con garantía de protección de datos

La Comisión de Llibertaes y Informática (CLI) asociación na que participen les dos grandes centrales sindicales CCOO y UXT y l'Asociación Pro Derechos Humanos d'España, informó ayeri sobre la intención de la Conseyería de Salú d'Asturies d'echar a andar, nel plazu de cuatro años, el que se conoz como "Sistema Edesis" un sistema d'informatización que tien ente los sos oxetivos meyorar l'atención al paciente creando'l "historial únicu" década paciente y enxertando servicios como'l diagnósticu por imaxe o la tarxeta electrónica sanitaria.

La CLI diz qu'esti proyectu ta sacándose alantre ensin contar con toles garantíes en materia de protección de datos personales qu'esixen les lleis españoles y europees. Por ello, píde-y a l'alministración asturiana que-y encargue un informe a l'Axencia Española de Protección de Datos Personales pa tener una base orientativa. D'otra manera, la CLI diz que con casos como esti rescampla la necesidá de crear una Autoridá de Control Autonómica sobre protección de datos, como les que yá esisten nes comunidaes de Madrid, Cataluña y Euskadi