Denuncien a Terra

L'Asociación d'Internautes ta acabante de poné-y una denuncia a Terra poles condiciones d'abusu en que ofrez el so serviciu de llínia ADSL d'alta velocidá. Sigún esplica l'Asociación, l'usuariu ta indefensu énte la filial de la Telefónica, qu'impón condiciones escesives en contratu y que dempués nun cumple lo pautao. Por poner un casu, cuando l'usuariu quier dase de baxa, tien qu'esperar a que Terra comprebe que nun-y queden recibos pendientes, un procesu en que tarda lo menos tres meses nos que, por supuesto, hai que siguir pagando. Na páxina ADSL no funciona ties información abondo sobre l'entrampiau qu'hai alredor d'esti serviciu, qu'amás paez que nun va tan rápido como lu pinten nos anuncios.

Contador Estadistiques