Delegación del Gobiernu acusa a Fernando G.R. de poner bombes en sedes de partíos

La Delegación del Gobiernu n'Asturies dio esta mañana una rueda de prensa na qu'informó sobre la detención de Fernando G.R. reteníu dende la nueche del llunes baxo aplicación de la Llei Antiterrorista. Delegación del Gobiernu informó de que la detención de Fernando G.R tuvo llugar cuando diba poner una bomba casera na sede del PSOE de l'Infiestu, acusando a Fernando G.R. de 31 años, de la colocación d'artefactos esplosivos que se produxeron nes sedes de partíos políticos a lo llargo de los últimos años dende'l 2001 coincidiendo con feches como'l Día d'Asturies o'l 1 de Mayu. Según Delegación, el deteníu llevaba tamién con elli panfletos escritos con frases reivindicatives como "Puxa Asturies Llibre, ya socialista". El deteníu ta a adisposición de l'Audiencia Nacional.


Delegación del Gobiernu emitió un comunicáu en qu'acusa a Fernando G.R. de ser el "principal organizador de movilizaciones y actos d'apoyu al entramáu del MLNV y de ETA, siendo amás el principal aglutinante de tolos grupos radicales asturianos afines a la citada organización terrorista, constando amás según Delegación que'l deteníu "asistió a reuniones y movilizaciones convocaes por grupos afines a ETA nel País Vascu y sospechándose que pudieren instruyilu elementos radicales vascos na
ellaboración artesanal d'artefactos esplosivo-incendiarios. Delegación carga sobre'l deteníu l'acusación de poner artefactos na Casa'l Pueblu de Sama en dos
ocasiones, nes oficinas del INEM de La Pola Siero, Cangues d'Onís y Pravia, la Casa'l Pueblu de Mieres, la mesma Delegación del Gobiernu n'Asturies, les sedes del PP en Candás, Sotrondio y Posada, les sedes del PSOE nel Infiestu, Lluanco, Noreña y Teberga, la sede de IX en Xixón, les oficines de CCOO en Xixón, el cuartel de la Guardia Civil en Villaviciosa y el colexu electoral de Grau.