De "nacionalidá asturiana”

Mientres los políticos asturianos de tolos palos anecien n'emplegar el términu "rexón" y tolos sos derivaos pa referise a Asturies, al otru llau del cordal vennos como una nación con tola personalidá y identidá. Ello ye que l'otru día'l Diario de León asoleyaba na so sección de "Cartes al Director" l'escritu d'un lleonés enfadáu porque'l periódicu nun diere anuncia del asaltu'l 22 de xineru al cementeriu del pueblu de Villaobispo de Otero, nel que dos vecinos de Xixón, vistíos con sayones prietos y con símbolos satánicos pintaos, esfarraplaron les cruces y los adornos de cerca de trenta tumbes hasta que la policía los prindó, finando l'estociniu relixosu. Na carta qu'escribió, el llector nun dulda en referise a los satánicos como "de nacionalidá asturiana". Manda calao.