De magüestu n'Avilés

L'asociación "Escontra'l Raigañu" entama esti fin de selmana un magüestu, qu'a parte de castañes y sidra, va tener munches coses más p'animar la seronda.
Dende'l vienres pela tarde, a eso de les 19:00 hores, na carpa que va tar instalada na Plaza España d'Avilés, van entamar toles actividaes preparaes. Ellaboración de sidra, amagüestu, muestra de cantares y instrumentos tradicionales van ocupar la tarde hasta'l conciertu de la bandina "Los Llanzones" a les 22:30 hores.
El sábadu, dende les 11:30 hores va haber na carpa amueses d'oficios tradicionales, chigre y muncha música asturiana sonando. Pa tol día tán preparaos dende pasacais, festivales de tonada, talleres y xuegos pa neños, y hasta el "I Concursu de llambiotaes n'Avilés". P'acabar la xornada del sábadu de la meyor manera posible, "La Bandina" va tocar a les 22:30 hores na carpa d'esta Seronda n'Avilés.