De la esfoyaza al CD

El maíz foi ún de los cereales más importantes na agricultura asturiana. Base de l'alimentación del ganao y de les persones n'otres dómines, y ingrediente básicu de la boroña, el cereal mariellu lleva tiempu desapaeciendo adulces de los praos del país, pero en Xapón parez que-yos alcontraron otru usu a les panoyes que nun tien res que ver colos tradicionales

Ello ye que la casa xaponesa Sanyo ta acabante de presentar el primer discu compactu fechu con maiz. Resulta chocante, pero los científicos nipones de la Sanyo Mavic Media y la Mitsui Chemicals desarrollaron una sustancia que, partiendo del maiz, tien les propiedaes plástiques afayadices pa fabricar con ello Cd's y DVD's. La ventaya d'estos productos ye que nucontaminen y que son más fáciles de reciclar que los discos compactos normales, que al revés qu'estos resulten mui contaminantes al destruilos o quemalos.

La casa Sanyo, qu'esplicó que per cada discu precísense d'unos 85 gramos de maíz, dio anuncia de que cuenten con atender los primeros pidíos del CD de maiz pa últimos d'esti añu y peritó el mercáu de CD's de maíz en unos 9 millones de dólares pal añu 2.005. Lo que nun dixeron ye si van gastar maíz natural o tresxénico.…