Darksun graba'l so próximu discu

Darksun son bonos representantes
de la importante corriente de
metal rock que ta surdiendo n'Asturies. Participando d'esta corriente
tán Darksun, que nun son
precisamente unos novatos nesti mundu, ya que en verdá esti grupu ye la
continuación de la desaparecida banda Nörthwind, grupu que
llegó a grabar dos discos. Darksun pela so parte enfréntase al so
segundu trabayu discográficu dempués d'espublizar en 2004
"El Legado".



La grabación ta faciéndose n'Alemaña nos VPS
Studios por Ingo Cjavkovski (Rage, Silent Force, Victor Smolski), la
grabación y producción de les voces van ser cosa de Lars Ratz,
productor y baxista de Metalium, ya pa rematar el discu, va ser mezcláu
y masterizáu nos House Of Music Studios por Dennis Ward (Angra, Pink
Cream 69) . El diseñu de la portada va ser de Daniel Alonso, que ya
diseñó la portada y el llibretu de "El Legado". Hai que
facer rescamplar que'l discu va grabase y editase en dos versiones,
español y inglés, depués de que llegaren a un alcuerdu les
cases de discos Armageddon Music y
Goimusic, polo que la
compañía de Beasain (Goimusic) va editalu n'España y
Sudamérica y l'alemana va facelo nel restu mundu. La primera
edición va ser limitada y va tener como estra un DVD.



La salida del discu espérase que sía nel mes d'ochobre y
la xira de presentación arrancará nel mes de xineru ya de 2006.