Dark la Eme edita un discu colos sos primeros trabayos

El raperu de L.lena Mario Fueyo, más conocíu pol nome artísticu de Dark la eMe, presentó esta selmana'l discu "Siete años en la vida de DarklaEme" un trabayu que fai estoyu de los primeros cantares compuestos y popularizaos pol artista, qu'asoleyare nel so día 1.500 copies d'un CD colos sos trabayos que llevaba tiempu escosáu.

La demanda del públicu de Dark la Eme, que-y pide constantemente aquelles pieces nos sos conciertos llevóa la edición d'esi discu nuevu qu'inxerta un total de 17 temes y dos cortes de vídeu nes que pue vese al cantante interpretando xunta la ilesia prerrománica de Santa Cristina de L.lena solo col piano y la voz los temes "Mi compromiso" y "Un asturiano en Madrid". Dempués d'esti compilatoriu, Mario Fueyo sigue trabayando nun discu con material nuevo dafechu que cuenta con asoleyar pal mes de setioembre y pal que s'anuncien collaboraciones de los grupos Tuenda y La Bandina.