Darias garra la cartera de Sanidá y Iceta entra nel Conseyu de Ministros

La salida de Salvador Illa pa ser candidatu socialista a la presidencia de Catalunya provoca cambios nel Gobiernu estatal.

Nun hebo sorpresa. Pedro Sánchez anunció esta tarde a Carolina Darias como ministra de Sanidá nueva y a Miquel Iceta, l'anterior aspirante del Partit dels Socialistes de Catalunya (PSC) a la Generalitat, como sustituta de la canaria como responsable del Ministeriu de Política Territorial y Función Pública.

Estos cambios son obligaos pola decisión del PSOE de destinar a Illa a liderar la candidatura socialista nes eleiciones catalanes del 14 de febreru. Un movimientu mui criticáu al tener llugar en plena pandemia, nel peor momentu de la tercer fola de COVID-19.