Daniel de la Cuesta fai estaya nel estudiu del "harpa céltica" n'Asturies

Güei vienres presentáse en Xixón el trabayu d'investigación "Harpa y la so presencia n'Asturies".

Dientro de los "Alcuentros d'Harpa Céltica" que se van celebrar esti fin de selmana en Xixon, preséstase'l llibru "Harpa y la so presencia n'Asturies", escritu por Daniel Gracía de la Cuesta conocíu músicu fundador de los grupos "Beleño" y "Lliberdón" y investigador de la tradición musical asturiana.

Esti trabayu d'investigación que se presenta güei vienres 25 a les 20:00 hores nel salón d'actos del Antiguu Institutu Xovellanos de Xixón, ye un llibru que surdió gracies al conocimientu de la esistencia d'un harpa vieya conservada nun conventu de Villaviciosa.

Desque apaeció esti instrumentu, l'autor entamó un estudiu sobre la presencia y la utilización de les harpes nel territoriu astur. Esta publicación apurre nueves idees nel estudiu del instrumentu y documenta la rellación del términu "harpa" con otros vocablos, oxetos, seres mitolóxicos, constelaciones, divinidaes, simbolismos, etc..., que sirven pa conocer aínda más sobre la hestoria del instrumentu y asitiala nun contestu cultural.

Nel llibru que güei se presenta pue consultase amás bibliografía abondo y munchu material gráfico yá que xunta'l testu hai más de 400 semeyes.

El llibru de Daniel García de la Cuesta ta yá disponible na tienda asturiana na rede Asturshop.com.