Dan de pasu un nuevu parque eólicu

La empresa eléctrica asturiana Electra Norte, filial d'Electra del Carbayín na estaya de renovables, recibió esti xueves autorización del Gobiernu pa entamar el parque eólicu d'El Segredal. Asitiáu ente los conceyos de Valdés y Villayón, el parque ta previstu pa 22 máquines de 1,5 mw caúna, colo que saldría una producción de 95 GWh al añu, abondo, según les cuentes qu'echa la empresa, como pa pone-yos corriente a 30.000 families. El proyectu ta agora pendiente de que se faigan tolos planos adicionales, casu del proyectu d'execución, el plan especial, la llinia d'evacuación de la corriente o tratar colos propietarios y colos conceyos, pero la empresa congráciase de que lo más difícil yá ta fecho