Cursu sobre la sidra nel oriente

El Muséu Etnográficu del Oriente d'Asturies, asitiáu en Porrúa - Llanes, va poner un cursu d'ellaboración de Sidra a lo llargo de los díes 11 y 12 d'Avientu con una duración aproximada de 15 hores. Especialistes d'AACOMASI, la cooperativa de mazaneros van falar de les técniques de plantación y mantenimientu de les pumaraes per una parte, mientres que pela otra, técnicos de Sidra Trabanco van esplicar tol procesu d'ellaboración de la sidra, dende como peñerar les mazanes a emplegar hasta les técniques de corchao y trasegao. Con un númberu de places pequeñu (namás venti persones) l'apuntase cuesta 25 euros, esistiendo unos númberos de teléfonu (985402547 y 679732641) y un corréu electrónicu (museo@porrua.net) a disposición de la xente interesao