Cursu de mantenimientu de gaita asturiana

La Fundación Municipal de cultura de Xixón entama un cursu de fin de selmana que va tocar tolo referente al mantenimientu de la gaita asturiana.

Como bien saben les persones que toquen la gaita, esti ye un instrumentu, qu'amas de llevar munches hores d'ensayu, necesita de munchos cuidaos pa tener un bon soníu y pa la so correcta conservación. Pa saber como cuidar el fuelle de gore-tex o de cabritu, sustituir válvules del soplete, amarrar bien los asientos d'un fuelle o tener unes nociones d'empayuelar va haber esti cursu'l próximo fin de selmana del sábadu seis de payares. El profesor del cursu va ser l'artesanu de gaites Carlos Moreno García, constructor con más de venti años de trabayu, amás de tener cierta esperiencia docente yá que punxo otros cursos cursos sobre cuestiones arreyaes al cuidáu de la gaita. A lo llargo de tol sábadu y la mañana del domingu, Carlos Moreno va intentar apurri-y al gaiteru una autonomía de conocimientos que-y valga pa iguar problemes técnicos menores de la gaita. P'apuntase al cursu namás qu'hai que llamar al Muséu de la Gaita de Xixón al tlf: 985 18 29 63 ente les 17 y 19 hores, la matricula del cursu son 29 euros.

Como actividá complementaria a esti cursu'l vienres día cinco a les 20:00 hores va haber una conferencia inaugural del propiu Carlos. La entrada a esta charra va ser llibre y , como'l cursu, va ser nel centru cultural Antiguu Institutu de Xixón.