Cursu d'asturianu de la Xunta Pola Defensa de la Llingua

La Xunta Pola Defensa de la Llingua Asturiana entama'l so tradicional cursu añal de formación empobináu a alquirir conocimientos básicos de llingua asturiana. Con una duración de 60 hores, les clases van entamar el miércoles 15 de febreru. La matrícula ta abierta a tolos públicos y el so preciu ye de 30 euros. Les clases van correr a cargu del especialista Llinu Álvarez Santidrián y van ponese nel local que tien la organización na cai Gascona d'Uviéu los llunes, miércoles y vienres.

Les persones interesaes tienen más información nel local del cursu o nel chigre de la Xunta "La Casa Posafuelles" na Cai la Cuesta la Vega 10 d'Uviéu. El corréu electrónicu uvieu@exunta.org y el teléfonu 985 20 31 22 tamién tan disponibles.