Cursos pa mayestros y periodistes

El Centru de Profesores y Recursos del Nalón-Caudal pon un cursu pa docentes d'asturianu en 3º y 4º de la ESO. El cursu va centrase n'actividaes y oxetivos pa la programación práctica de l'asignatura de llingua asturiana nos cursos de 3º y 4º de la ESO, entamando'l 15 de payares y rematando'l cursu'l 8 de marzu. El plazu de matriculación va tar abiertu hasta'l 11 de payares y les clases, que van dase en Centru de Recursos de La Felguera, van ser de 5 a 8 de la tarde. Collaboren col cursu Severino Antuña González, Nuria Campo Varela, Alberto Cobreros Gil, Antón García Fernández y Maria Elvira Laruelo de la Roz. Más información na web del CPR Nalón-Caudal

D'otra manera, dende la Oficina de Política Llingüística del Principáu dan anuncia de que, por problemes alministrativos de la Universidá d'Uviéu, el cursu avanzáu d'asturianu pa periodistes, que tenía d'impartise en collaboración cola cátedra d'Estensión Universitaria d'últimos d'esti añu a primeros del qu'entra queda aplazáu a feches nueves ente'l 25 de febreru y el 9 d'abril. La matriculación, que tenía d'entamar esta selmana, retrásase tamién hasta'l mes de xineru del 2005