Cursos de periodismu asturianu

Ayeri presentóse'l "Cursu de llingua asturiana nel ámbitu de la información y comunicación", dientro de La ufierta de cursos del departamentu d'estensión Universitaria de la Universidá d'Uviéu.

Na presentación tuvieron presentes los directores de les dos partes del cursu Xulio Viejo y Xuan Busto Cortina, la vicerrectora Paz Andrés, el director de política llingüística del Principáu d'Asturies Ramón d'Andrés, y la conseyera de cultura Ana Rosa Migoya que fexo tola so intervención n'asturianu. Esto cursos nacen col horizonte más o menos llonxanu de la creación de la próxima televisión autonómica, y tan siendo un verdaderu ésitu, yá que les places taben a puntu d'acabase na mañana de güei. Pa conocer más detalles sobre estos cursos convidamos a los nuesos llectores a que visiten la páxina web de la universidá sobre estos cursos.

Per otru llau na presentación la conseyera de cultura aseguró que l'asturianu diba tener presencia na futura televisión asturiana, pero nun precisó en que cantidá nin de que forma.