Cuatro deteníos pol asesinatu d'Ardines

La investigación apunta a un móvil pasional.

Pedro Nieva, maríu d'una prima de la esposa de Javier Ardines, ye'l principal sospechosu del asesinatu de Javier Ardines, conceyal d'Izquierda Xunida (IX) en Llanes qu'apaeció muertu la mañana del 16 d'agostu xunto al so vehículu cerca de la so vivienda de Pría. El deteníu sería inductor del crime, que taría executáu polos otres persones prindaes pola Unidad Central Operativa (UCO) de la Guardia Civil: dos ciudadanos d'orixe arxelín, n'Euskadi, y un español, en Suiza.

A pesar de que nun primer momentu se creyó que l'asesinatu d'Ardines podría tener motivos políticos pol so llabor como conceyal de Mediu Rural, Playes y Personal, finalmente la investigación indica que'l móvil foron los celos. A pesar de residir n'Amorebieta, Nieva contaba con una vivienda cercana a la d'Ardines y mandaría a los otros trés deteníos executar el crime.

Na imaxe, Ardines. Semeya propiedá d'IX Llanes.