Cuando Gales la entamó

A últimos de los 70 y dende los 80, el movimientu de defensa del asturianu entamó una campaña de protesta civil que nun duldó n'entamala cola señalización público retulao en castellanu. Ello ye que yá quince años enantes eses mesmes coses taben faciéndose en Gales, onde nun plazu de tiempu bien curtiu, en comparanza col casu asturianu, el movimientu de recuperación organizáu alredor de Cymdeithas Cymru consiguió avances definitivos na normalización del idioma, anque ello foi dempués d'una campaña de resistencia civil na que nun s'escatimaron medios. Campañes d'insumisión fiscal pa tener una canal de TV en galés, fuelgues de fame de militantes pro-llingua, ataques a la señalización cola toponimia n'inglés... too ello pue vese nunos documentales que tien el servidor de la BBC galesa y qu'amiesten entrevistes a militantes pro-llingua con imáxenes d'archivu de lo que yeren les movilizaciones ( precísase'l reproductor Real Player) Nuna d'estes entrevistes, el representante de Cymdeithas esplica (n'inglés) l'obxetivu d'una fuelga de fame con que "tenemos que demostra-yos a los elementos non-galeses que tamos dispuestos a sacrificanos pol idioma" P'afondar más na historia recién de Gales, la BBC ufierta tamién vídeos coles movilizaciones de los mineros galesos y dellos más con otros conteníos