La canal familiar de YouTube va entregar un llote de llibros valoráu en 300 euros al ganador.
Crónicas d'Asturies, que ta acabante de cumplir un añu de vida, entama'l so I Certame/Concursu de Microrrellatos n'Asturianu. Ésti ta empobináu a ciudadanos residentes n'Asturies, cola posibilidá de presentar un únicu trabayu, ambientáu n'Asturies, emplegando cualquier de les trés variedaes del idioma.
La estensión máxima de cada creación ye de 300 pallabres y el plazu pa unvialos fina'l 18 d'avientu. Ha mandase a la direición de corréu electrónicu cronicasdeasturie
La recompensa pal ganador, que va ser escoyíu ente trés espertos en llingua y lliteratura asturiana, va ser un llote de llibros valoráu nunos 300 euros con títulos como 'La güestia y otros agüeros', d'Alberto Álvarez Peña, o '70 años del Descenso del Sella', de Raúl Prado, ente otros.
Esta canal de YouTube dirixida pol mozu Daniel Martínez trata temes sobre Asturies na rede, emplegando l'idioma pa titular los vídeos.
La coordinadora de 'Xosé Bolado. Fálame Duce' y 'Palabres blanques. Testos d’Historia y Crítica lliteraria (Esbilla)', publicaciones asoleyaes con motivu de la XLIV Selmana de les Lletres Asturianes, fala de les mesmes y sobre la figura de Xosé Bolado, poeta y críticu lliterariu al que se-y dedica esta edición de la gran celebración de la nuesa lliteratura.
