Crisis nos grandes portales

Les noticies que lleven saliendo tola selmana alredor de Terra, ún de los macroportales más grandes de la internet mundial faen albidrar que'l tiempu de los grandes portales ta p'acabase. Ello ye que la mesma selmana que la matriz del portal Telefónica anunciaba perdes, pa la filial na internet tamién yeren too pegues. El Financial Times dio anuncia anteayeri en portada que Bertelsmann, l'anunciante que más perres pon en Terra, nun diba gastar lo 675 millones (d'Euros) en propaganda que-y tenía comprometíos. Arriendes d'esti guelpe, qu'entovía nun tien confirmación, tamién salió la noticia de qu'a Terra interveniéron-y cuentes de bancu por impagos a la empresa Teknoland. Tal parez que'l xigante ta pasando per un momentu bien malu. Esti artículu d'opinión nel portal Baquia da una visión particular pero crítica de la pómpara de xabón qu'hai delles veces tres d'estos grandes portales, comentando en concreto'l casu de Terra.

Contador Estadistiques