Créase'l coleutivu Agayo Eonaviego "col fin de dar voz á xente da nosa comarca" no llingüístico

Surde a partir del grupu de ciudadanos qu'asoleyó a lo último del añu pasáu l'escritu entituláu 'En defensa del eonaviego'.

"Agayo Eonaviego é un colectivo de vecíos y falantes del occidente d'Asturias que nace cua intención de trabayar d'emparzao pol eonaviego, a llingua propia del Navia-Eo", preséntase esti coleutivu que tien el fin de de dar voz á xente da nosa comarca que nun se ve representada na esfera pública en lo que respecta á nosa llingua". Ente les sos reivindicaciones ta la oficialidá del idioma "en pé d'igualdá col asturiano", lo que consideren úa ferramenta axeitada pra evitar a desaparición del noso patrimonio llingüístico, qu'é úa parte esencial da nosa cultura".

La organización de creación nueva defende les normes ortográfiques del 1993. "A súa acoyida por parte dos falantes deixa clara a voluntá que tein d'escribir como se fala aquí, y non en gallego nin en asturiano. Esta é a razón del sou ésito: son unas normas qu’espeyan con fidelidá el noso xeito de falar. Núa declaración d'oficialidá, nun tería xeito ningún dar marcha atrás neste proceso y tentar d'impoñer un modelo llingüístico col qu'a xente da comarca nun s'identifica", aseguren dende Agayo Eonaviego.

Darréu señalen que "más alló de que nos refíramos familiarmente á nosa llingua como a nosa fala, neste proceso d'oficialidá faise imprescindible darye un nome que la equipare col resto de llinguas". El que consideren más afayadizu ye eonaviego "por dúas razóis fundamentales: por un llao, namás se basa nun criterio d'adscripción xeográfica, como ocurre na mayor parte dos idiomas; por outro llao, eonaviego espeya á perfección el carácter de comunidá de fala diferenciada que conforman os sous falantes".

Nesi sen apunten que "a súa aprobación a nivel llegal evitaría inxerencias esternas como a da Real Academia Galega, que pretende fer oficial a súa llingua nel occidente d'Asturias". Agayo Eonaviego convida a los vecinos del Navia-Eo a collaborar con esti coleutivu conformáu por persones del ámbitu investigador, docente, lliterariu, musical y audiovisual venceyaes dende va décades na defensa y promoción del idioma, y a unviar propuestes al traviés del so corréu electrónicu eonaviegoficial@gmail.com.