Créase una plataforma contra l'embalse de Caliao

Énte la posibilidá, cada vegada más real, de que se construya l'embalse de Caliao, un grupu de persones y colectivos conservacionistes decidieron esta selmana axuntase en Llaviana pa constituyir la "Plataforma pa la Defensa del Parque de Redes" un colectivu que tien por prioridaes la defensa del entornu natural, etnolóxicu y cultural del territoriu del Parque de Redes y de la xente que vive nelli, oponiéndose a toles acciones que puedan alteriar l'entornu, consiguir una mayor protección del mesmu y controlar que se cumpla esa protección. La plataforma declárase independiente del criteriu de grupos políticos relixosos o empresariales, anque declárase abierta ala participación de cuantes persones, grupos y entidaes lo deseen.

Como primer acción y oxetivu, la Plataforma da anuncia de que va llevar alantre una llucha a tolos niveles, dende'l local al européu pa torgar la construcción del "Embalse de Caliao" actuación prevista pol gobiernu asturianu, proponiendo tamién una revisión del Plan Rector d'Usu y Xestión del Parque pa evitar actuaciones asemeyaes. La retirada de la llinia d'alta tensión Lada-Velilla al so pasu pel Parque de Redes ye un segundu oxetivu d'esta plataforma, cola que pue contactase nesta dirección de corréu y nel númberu 659602531