Córdoba 1 - Sporting 1

Un gol tontu na primer parte dexó fuera de bolos a un Sporting que foi quien a resucitar na segunda pa poner un empate que nun val pa muncho pero qu'echa otru puntu al carru de la permanencia sportinguista. Los de Maceda llegaron al Nuevo Arcangel con armes pa llevar los tres puntos, pero nel 28 de la primer parte el porteru Valencia, viendo'l banderín del linier llevantáu, pensó qu'había orsay del Córdoba, entregando'l balón pa que se sacare. Como l'arbitrio nun llegare a ver la señal del linier, Dennis Serban aprovechó pa garrar la pelota y afusilar a Valencia. Les protestes del Sporting nun convencieron a Ayza Gámez, y los asturianos marcharon perdiendo pa la caseta. Na segunda parte los de Maceda saleron enrabietaos y Villa empezó a ser un torbolín na defensa andaluza, que pronto acabó cometiendo penalti sobre Manel. Villa convirtió l'empate, pero depués faltó concrección pa sacar daqué más de resultáu.