Convóquense los XVII Premios de la Crítica d'Asturies

La presentación de candidatures va tar abierta hasta'l 29 de setiembre.

L'Asociación d'Escritores d'Asturies ta acabante de convocar la decimosétima edición de los Premios de la Crítica d'Asturies, que reconocen les obres espublizaes mientres el 2016. D'igual forma, dio a conocer les bases de los XII Premios de les Lletres y al de la Meyor Columna Periodística.

Hasta'l 30 de xunetu cualquier persona física o xurídica pue mandar candidatures, pa lo qu'han de remitise a la direición del coleutivu: Hotel d'Asociaciones Santuyano, na cai Fernández Ladreda 48, 33011 d'Uviéu. En concreto convóquense cuatro categoríes de los Premios de la Crítica d'Asturies: narrativa n'asturianu y castellanu, y poesía n'asturianu y castellanu.

Los ganadores del añu pasáu foron Vicente García Oliva con ‘La vida de siempre’ (narrativa n'asturianu) y Xuan Xosé Sánchez Vicente con ‘De les hores y les memories’ (poesía n'asturianu).