Convócase un Festival de Cine Asturianu en Madrid

Según da anuncia Xaviel Vilareyo, promotor de la idea y coordinador del certame, esti Festival va facese en cellebración del I Centenariu del Cine Asturianu y ta abiertu a la participación cortometraxes asturianos en dos categoríes principales, en llingua asturiana o en cualesquier otra llingua.


Al concursu van poder presentase tamién documentales de ficción o videoclips en cualesquier formatu o duración siempre que tean realizaos en llingua asturiana, tamién puen presentase obres feches por realizadores asturianos o rodaes básicamente n'Asturies. El certame va entamar el miércoles 27 d'abril nel Auditoriu del Ateneo de Madrid, (Prado, 21, en Antón Martín) a les 6 de la tarde, onde va proyectase una amplia amuesa de cortometraxes asturianos con asistencia d'importantes figures, realizadores, actores y productores del cine asturianu.
De l'amuesa de curtios saldrá una llista de nominaos en diferentes categoríes que va facese pública'l día 3 de xunu nel Salón d'Actos de la Biblioteca de Madrid "Joaquín Leguina" onde amás va proyectase'l documental de 1926 "Mieres del Camino" de Juan Díaz.

Les actividaes del festival van tener continuidá los díes 16 y 17 de xunu cola proyección de los trabayos nominaos nes distintes categoríes. Ensíndotaciónde premios en metálico, los premiaos van recibir menciones honorífiques representaes simbólicamente al traviés d'una Mazana de Plata.
El teléfonu de contactu cola organización delcertame ye'l 620 13 33 68, y esiste tamién la posibilidá de contactu per e-mail na dirección festivalcineastur@wanadoo.es