Conveniu pal enseñu de la llingua en Lleón

Siete conceyos de Lleón van ufiertar posibilidá d'estudiar l'asturlleonés gracies a un conveniu que soscribieron esta selmana la Diputación de Lleón y l'Asociación Cultural El Fueyu

El conveniu ente les dos entidaes espeya, amás de los cursos, la edición d'obres lliteraries en lleonés y la celebración institucional del Día de la Llingua, que yá se fexo esti añu na casa conceyu de Lleón. La iniciativa completa la ufierta de Cursos d'Estensión Universitaria sobre llingua lleonesa que se facíen hasta agora en Lleón y Mansilla y que rexistren una aceptación mui curiosa por parte de la población, teniendo d'ampliase la matriculación en dellos cursos. Cada cursu, de 50 hores, ponlu un monitor tituláu, estremándose en niveles d'entamu , perfeccionamientu y afondamientu..