Convócase’l II Concursu de Microrellatos Sidreros

La Fundación Asturies XXI y el Barriu de La Sidra organicen el II Concursu de Microrellatos Sidreros, en collaboración cola publicación La Sidra. El concursu aporta esti añu cola novedá de qu’hai modalidá n’asturianu y castellanu.

Cola collaboración de la revista La Sidra, la Conceyalía de Cultura Tradicional de Xixón y Innovastur; la Fundación Asturies XXI y el Barriu de La Sidra organicen el II Concursu de Microrellatos sidreros. Nél, puen presentase testos que tengan dalgún conteníu rellacionáu col mundu de la sidra: llagares, chigres, echadores…

Les obres de les dos modalidaes - asturianu y castellanu, esta última novedosa nesta edición-, tienen que tener una estensión máxima de 50 llínies y van tar premiaes con 500 euros más un llote de llibros rellacionaos cola sidra. El plazu máximu pa presentar el microrellatu ye’l 17 de marzu de 2011.