Concursu de redacción en Cangas

La conceyalía de Cultura del Ayuntamientu de Cangas del Narcea ta acabante de convocar el I Concursu de Relatos curtios en llingua Asturiana «Ayuntamientu de Cangas del Narcea». El certame podrán presentase tolos mayores de 16 años con un trabayu namás, que tendrá ente cinco y diez páxines con tema llibre. El trabayu ganador va llevar un premiu de 600 euros, con un segundu de 300 euros un terceru de 180 euros. Los orixinales tendrán de mandase per triplicao hasta'l martes 5 de payares, y la dirección onde unvialos ye la de la Oficina d'Información Xuvenil de Cangas del Narcea (C/Conde de Toreno - 33800 Cangas del Narcea).

El xuráu del premiu presídelu la conceyala de Cultura, y nelli van tar mayestros d'asturianu y representantes de la Academia de la Llingua Asturiana.