Concursu de narrativa en Llangréu

L'Ayuntamientu de Llangréu presentñó esta selmana la convocatoria del so Premiu de Narrativa en llingua asturiana, que llega con esta a la III edición, dempués d'imponese na segunda Pablo Rodríguez Medina cola novela "Los taraos". El concursu tien un primer premiu qu'entrega seiscientos euros pola obra ganadora amás d'incluyir la publicación de la mesma, ello amás de dos accesit de 300 y 150 euros.

La estensión de los orixinales que se presenten, con tema llibre, ha ser d'un mínimu de 50 fueyes escrites a espaciu doble, y estos han presentase na Casa de Cultura de Sama n'horariu de 8 a 3 de la mañana o llamando al teléfonu 985 67 81 58. El plazu de presentación d'orixinales remata'l 31 de payares y el xuráu qu'entrega los premios va aconceyar a lo llargo del mes d'avientu.