Concursu de cuentos en Cangas del Narcea

La conceyalía de Cultura de Cangas del Narcea convoca'l tercer concursu de relatos curtios en llingua asturiana, al que puen presentase tolos mayores de 16 años con namás un trabayu por autor. El llargor de los relatos tien de ser d'ente cinco y diez páxines con tema llibre.

Los premios a repartir son trés, con un premiu al ganador de 600 euros, 300 pal finalista y 200 pal tercer clasificáu. En reconocimientu de la variante occidental, el conceyu punxo otru premiu adicional de 600 euros pal meyor relatu n'asturianu occidental que nun consiguiere premiu nel concursu abiertu

El plazu de presentación d'orixinales remata'l 28 de ochobre, y la dirección pa unviar los cuentos ye la de la Oficina d'nformación Xuvenil de Cangas del Narcea, onde tienen de presentase los trabayos en sobre ensin remite incluyendo trés copies y sobre zarráu colos datos del concursante.