Concursu de cuentos en Bimenes

L'Ayuntamientu de Bimenes, en collaboración cola Conseyería d'Educación y Cultura y Caxa Rural, convoca'l Concursu de Cuentos pola Oficialidá del Asturianu, que llega con esta a la sesta edición. El plazu de presentación de trabayos acaba'l 16 de xunu, y nes bases diz que los cuentos tienen de tar redactaos en Llingua Asturiana con una estensión másima de 10 folio mecanografiaos a doble espaciu, per una sola cara. Han mandase un orixinal y tres copies y cada autor/a nun ue presentar namás qu'una obra de tema llibre, que tien de dir ensin
firma y con nomatu, axuntando en sobre zarráu aparte los datos personales Nun van devolvese los trabayos, que van quedar en propiedá del Ayuntamientu.

El xuráu va espublizar el resultáu del concursu'l 3 de xunetu, fiesta de la Oficialidá del Asturianu en Bimenes, onde los autores van tener que lleer la obra en público. Los premios son de 755 euros pal primeru, segundu premiu de 455 y terceru de 305. La dirección pa unviar los trabayos ye la de la Casa de Cultura, San Xulián s/n. 33527 - Bimenes, poniendo en sobre VI Concursu de Cuentos pola Oficialidá del Asturianu