Conciertos pa tolos gustos

Col entamu la primavera vuelven los mercaos, nueches folk, la
música sal a la cai otra vegada, y dende esta sección vamos facer
que teas informao de toos pa que nun pierdas nengún...

La selmana pasada ya vos informamos de tolos conciertos que
podréis disfrutar nel mercáu de Santu Adrianu del 28 al 30 d'esti
mes. Pero nun hai mercáu solo en Santu Adrianu, tamién en
Xixón va haber Mercáu Astur, y tamién con conciertu, nesti
casu sedrá
"La
Bandina" encabezada por Santi Caleya qu'actuaran el vienres 29 sobre
les ocho y media la tarde.

Los conciertos d'esta selmana santa continuín n'Avilés el
día un d'Abril. Nesta ocasión vamos poder disfrutar de dellos
cantantes de tonada qu'actuarán enantes de
Felpeyu, que saldrá al escenariu
sobre la tarde nueche. Esta selmana vos confirmaremos dende esta
sección la hora y llugar exactos d'esti conciertu.

Pa finar colo más inmediatu, si nun pudisti velos en Santu
Adrianu o si quies velos otra vegada, el día 4 d'abril a les diez de la
nueche nel chigre Ca Beleño d'Uviéu tocará
Corquiéu, entamando una llarga llista de conciertos que tienen pa esti
añu, que los llevará a sitios tan llonxe como Praga, Eslovaquia o
Hungría.