Conceyu d’Unidá Popular de Xixón sal a la cai esti miércoles pa presentar el so programa eleutoral

El Quioscu de la Música del Paséu de Begoña ye’l sitiu escoyíu pol Conceyu d’Unidá Popular de Xixón (CUPX) pa presentar el so programa eleutoral. Va ser nel trescursu d’una asamblea abierta que va principiar a les 19 hores.
 
D’esta forma, la candidatura d’unidá popular nel que participen Conceyu Abiertu, Izquierda Anticapitalista, Frente de la Izquierda y independientes, sal a la cai pa dar a conocer les sos propuestes de cara a les eleiciones llocales del 22 de mayu, un especiu que los sos representantes consideren como’l so sitiu. Amás, CUPX va presentar a les persones que conformen la so candidatura, lliderada por Boni Ortiz.
 
La idega de CUPX ye entamar un actu cenciellu pa que la xente pueda conocer de primer mano’l proyeutu qu’axunta a bona parte de la xente que conforma los movimientos sociales, sindicales y políticos d’izquierda de la ciudá.