Comerciu humanu en Yugoslavia

De la fin de la guerra les repúbliques enxertaes n'antigua Yugoslavia , tan conviertiéndose nel estragal pel que pasen toles redes de prostitución que trafiquen ente l'este y l'oeste d'Europa. La BBC esplica como esta selmana la policía serbia detuvo a 150 persones rellacionaes con una rede de tráficu de muyeres.Pero les redes de tráficu al usu qu'aprovechen el contestu de depresión económica del este nun son la única amenaza a la integridá de les muyeres. La presencia de más de 50.000 soldaos n'antigua Yugoslavia en misiones de paz escuende un llau escuru de la intervención aramada del que nun se fala muncho na próspera Europa occidental. L'añu pasáu, Kathryn Bolkovac, una policía de Nebraska (EEUU) que trabayaba na fuerza policial de la ONU en Bosnia denunció que los sos superiores taben enguedeyaos nuna rede de prostitución. Esti casu nun ye l'únicu de participación d'instituciones oficiales na tema, y hai bien de casos denunciaos en Serbia Croacia Bosnia.