Comarca de la Sidra, una mancomunidá que mira pol asturianu

La Sala de Xuntes de la sede de la Mancomunidá de la Sidra en Paraes (Nava)acoyó esti llunes la sesión constitutiva del Conseyu Comarcal de Política Llingüística de la Comarca de la Sidra, primer órganu de les sos característiques qu'echa a andar n'Asturies.

El Reglamentu pol que se manda esti nuevu organismu como de calter consultivu y abiertu a la participación de la ciudadanía y del movimientu asociativu col oxetivu d'entamar polítiques empobinaes a garantizar y normalizar socialmente l'usu del asturianu, la so protección, promoción y difusión, ufiertándo-yos un calce de participación a las asociaciones, entidaes y representantes institucionales y sociales del ámbitu territorial de la Mancomunidá na normalización social del usu del asturianu, amás y asesorar a la Oficina de Política Lingüística de la Mancomunidá de la Comarca de la Sidra nes materies ue sían de la so competencia. A títulu particular, el Conseyu va poder promover acciones de normalización y formular propuestes y iniciatives a la Mancomunidá y a otres instituciones, ente otres. Otramiente, esti organismu camiéntase tamién como un instrumentu d'evaluación y seguimientu de les polítiques de normalización qu'entame la mancomunidá. Nel so gobiernu participen representantes de los conceyos, les asociaciones rellacionaes col asturianu que lo soliciten y representantes de los conseyos escolares. Los miembros del Conseyu nun van recibir retribución nenguna y l'organismu habrá aconceyar a lo menos dos vegaes al añu.

El conceyal d'URAS nel Conceyu de Villaviciosa Xicu Xabel Díaz Yepes ye'l primer presidente d'esti nuevu organismu acabante d'echar a andar.