Cogersa aborda la financiación de la incineradora

La Comisión Delegada de Cogersa, que preside'l Conseyeru de Mediu Ambiente, Ordenación del Territoriu y Infraestructures, Francisco González Buendía, aprobó’l plan de financiamientu y endeldamientu deriváu de la incineradora.

Nél, se recueye una “actualización" del costu previstu nel anteproyectu del añu 2006, según informó'l Principáu.
  
El plan va ser presentáu'l próximu día 28 d'ochobre pa la so aprobación definitiva a los representantes de tolos conceyos na Xunta de Gobiernu del Consorciu. La inversión de la planta asítiase finalmente en 264,2 millones d'euros al sumase la inflación acumulada y meyores tecnolóxiques al proyectu realizáu en 2006, que prevía que'l costu fuera de 238,6 millones.
 
Según les estimaciones disponibles, Cogersa va tener que solicitar financiamientu esternu, esto ye, un préstamu, pa 208,5 millones d'euros del total previstu.
  
La construcción de la incineradora de Cogersa foi aprobada'l pasáu 26 d'abril na Xunta de Gobiernu del Consorciu col sofitu d'un  95,05% de los asistente, al sumar los sos votos los representantes del PSOE y del PP.
  
La inversión prevista resultante, que se va presentar a la Xunta de Gobiernu del Consorciu'l próximu día 28 d'ochobre, ye de 264,2 millones d'euros actuales. Esti datu va tomase amás como referencia pa la fixación del preciu de llicitación de la obra.