COFPA denuncia’l “control políticu” de los concursos de méritos

El Conceyu por Otra Función Pública (COFPA) denunció que la tramitación parlamentaria pa camudar la Llei de Función Pública “escondía un últimu golpe de mano, dirixíu a controlar políticamente los concursos de méritos”.

Según argumenta’l colectivu de funcionarios, na enmienda suprímese la llende máxima llegal pa la valoración de la esperiencia adquirida nesti tipu de nomamientos. D’esti mou, según planteen, traería como consecuencia que “nos concursos de méritos va poder valorase ensin llende temporal dalgunu'l trabayu desenvueltu en comisión de servicios o, inclusive, como trabayador ínterin”.

“El sistema deucráticu de nomamientos va estendese ensin llendes a tolos puestos singularizados: secciones, negociaos y puestos asemeyaos”, avisen dende COFPA. Amñas recuerden qu’esta midía sigue incumpliendo les sentencies del Tribunal Superior de Xusticia d’Asturies.

Desviación d’atención
“Aprovechando que'l focu mediáticu ta centráu nel discutiniu sobre l'algame de la llibre designación, PSOE y IX cuelen un descomanáu gol pa estender l’enchufismu al conxuntu de la carrera profesional de los emplegaos públicos”, acaba’l comunicáu criticando esta midida refugada por sindicatos, y pol BA y PP nel parlamentu.