COAG pide que se regulen les motos de cuatro ruedes

El sindicatu agrícola denunció que los quads o motos de cuatro ruedes tan tomando al asaltu caleyes y praos nos que causen grandes destrozos.


El sindicatu agrícola COAG-Asturies pidió-y a la Conseyería de Mediu Rural qu'apaute una regulación sobre la circulación de los Quads, unos vehículos que tan faciéndose mui populares nel mediu rural y queson a garrar grandes velocidaes. Según COAG, estos aparatos suponen un riesgu pa la circulación amás de que la capacidá que tienen pa metese per sitios ribayosos lleva a que faigan grandes destrozos en praos y montes y tamién nes mesmes caleyes qu'empleguen los vecinos de los pueblos, a los que-yos causen gran molestia.


Anque ye un problema xeneralizáu y que s'agrava col espoxigue del turismu, COAG apunta a Tinéu como'l conceyu onde los quads tan faciendo más dañu, dándose'l casu de que vecinos afectaos tan pañando firmes pa llevar una protesta énte les autoridaes del conceyu y les asturianes. Como alternativa, la organización sindical propón que se faigan circuitos específicos pa estos aparatos y la regulación de la circulación de los mesmos en víes abiertes.