Cites pa esta selmana

Abondes cites d'estilos diferentes son les que tenemos pa los próximos díes, pa entamar el vienres día 1 nel Teatru Campoamor d'Uviéu actuara'l colectivu "Muyeres", con una pequeña sorpresa, la presencia de la cantante gallega Mercedes Peon, qu'echara dalgunos cantares del so repertoriu. El día 3, nel mesmu llugar, Guxan de Lluz presentaran el so nuevu discu.Na casa de cultura de Riosa el día 1 vamos poder averanos a un instrumentu tradicional asturianu, la bandurria, podremos ver una esposición sobre l'instrumentu, y un conciertu del bandurrieru y investigador Daniel Garcia de la Cuesta, sedrá les 19:00 de la tarde y entrada de baldre.Pa finar, el sábadu 2 de marzu nel pub Bola 8 de Xixón a les 20:30, podremos ver tres grupos como son The Side Whiskers, un grupu de Barcelona de música OI!, tamién, del mesmu tipu de música, los asturianos OI! N'ast, y completando'l cartel, el nuevu grupu de folk-rock asturianu Facatrua. El preciu de la entrada ye namás de 4 euros.

Contador Estadistiques