Chus Pedro recibe l’agradecimientu de Zapatero

Dempués de ganar la selmana en Madrid el premiu de l'Academia de la Música al meyor cantar n'Asturianu pol tema "Agora sal a baillar" el cantante Chus Pedro demostró otra vuelta lo difícil que ye ser profeta en casa. Ello ye que'l cantante de Nuberu recibió felicitación personal del presidente del gobiernu d'España José Luis Rodríguez Zapatero. La felicitación llegó-yos a Chus Pedro y al arreglista Gabino Antuña nunos telegrames en que'l presidente-yos daba la so "cordial enhorabuena" a los dos músicos, faciendo referencia esplícita al so trabayu na "promoción del asturianu" y por actualizar "la so rica herencia llingüística".


Con tener la felicitación de Zapatero en persona, Chus Pedro llamenta qu'entovía nun tien la del Presidente del Gobiernu asturianu Vicente Álvarez Areces "nin tampoco la de la mi alcalde nin la de mi conceyalía de cultura". Un Chus Pedro socarrón pero seriu comentó sobre l'escaezu d'Areces al que reconoció como "el mi amigu" y de les instituciones asturianes al so premiu que "vese qu'Areces falló-y el protocolu esta vegada"
.