Celébrase'l 25 de mayu

Mañana celébrase'l 25 de mayu, una fecha que conmemora l'alzamientu de la Xunta Xeneral del Principáu contra les tropes napoleóniques qu'invadíen la península. L'alzamientu, baxo'l lema "Asturies enxamás vencida" quedó pa la historia como símbolu de la sobreanía asturiana, pero l'Asturies moderna escaeció esta fecha pa poner como fiesta l'ocho de setiembre, fecha de raigón relixosu en que se celebra'l "día de la santina" en Cuadonga y la mítica batalla del Rei Pelayo escontra la invasión musulmana.Asturies.com quier xuntase a esta celebración y ufierta a los sos llectores una riestra d'artículos sobre la tema. En primer llugar, reproducimos el manifiestu de les organizaciones que faen la fiesta del 25 de mayu, anque tamién recomendamos esti artículu de Beatriz Viado pal selmanariu Les Noticies nel que se fala de tolo que pasó alrodiu de la convocatoria d'esti 25-m. Yá pa rematar, quien tea interesáu n'afondar en temes históricos, pue lleer esti artículu de la nuestra sección de cultura sobre'l viaxe de los comisionaos en 1808 pola Xunta Xeneral a buscar sofitu n'Inglaterra.

Contador Estadistiques